[东方报]歐國聯：穩奪出線唔使搏命 葡軍歎慢板半和埋丹

葡萄牙「後C朗時代第一擊」，今晚歐國聯第5輪主場迎戰丹麥。葡萄牙喺A4組前4輪全勝，已經提前出線，餘下兩場勝負無關痛癢，球員難免放慢步伐；丹麥為爭出線仲要搶分，會先做好防守，再伺機突擊，加上葡萄牙近4仗主場3次開半場和，預計半場打和機會高，一於追多鋪。（周日凌晨3時45分開賽）

葡萄牙今期國際賽最大新聞，就係C朗喺大軍公布名單前，搶先單方面宣布結束國家隊生涯，就連領隊佐治捷西斯事前都唔知情，C朗此舉明顯係落佢面，唔係你揀我入隊就要同你踢！不過點都好，C朗同佐治捷西斯嘅私人恩怨已告一段落，至於葡萄牙冇咗C朗後嘅表現，可謂全球關注，佐治捷西斯亦唔想衰畀人睇，邊個話冇C朗唔掂？今場照樣徵召強陣，希望踢場好波省靚招牌。

丹麥作客伺機反擊
論雙方實力，葡萄牙肯定喺丹麥之上，加上有主場之利，今仗贏面甚高，但問題係葡軍已經出線，一班球員都唔需要為例行公事搏老命，何況上任冇耐嘅佐治捷西斯有冇足夠威望亦係兩睇，所以今場球員歎慢板係好合理，捧主Ｗ嘅朋友就要小心。

講到搏命，丹麥今場就一定搏畀你睇，佢哋現時排小組次席，領先挪威同威爾斯3分，爭奪餘下出線席位佔得先機，佢哋亦深明今場要喺作客環境贏葡萄牙嘅機會唔大，但只要做好防守，仍有一定搶分機會。以丹麥尚算穩健嘅防守能力，半場點都應該頂得住，首選半場和。