[东方报]英超：一劍封侯見好即收 阿仙奴細盤繼續追

重返英超榜首嘅阿仙奴主場鬥侯城，「兵工廠」經過四分一英超賽程後，球隊攻守體系非常穩定，尤其是防守更加係滴水不漏，預料侯城好難攻入佢哋大門。阿仙奴今季控制節奏能力極強，贏波好多時點到即止，近8場聯賽全開3球或以下，3.5球細盤穩陣。（Now 621周六晚11時直播）

阿仙奴除咗英聯盃畀費列活特淘汰之外，聯賽同歐聯都對過唔少強隊，上輪聯賽擊敗利物浦，之前倫敦打吡亦贏過車路士，歐聯同拜仁慕尼黑打和，現時英超排榜首、歐聯排第3，證明阿迪達套戰術完全啱用。

「兵工廠」聯賽9戰只失5球，當中已經包括其中一場以0比3不敵白禮頓，其餘8戰有6場保持不失，由加比爾馬加希斯率領嘅防線，配合防中迪格蘭賴斯做第一道屏障，中後場喺球隊領先下，傳控消耗做得更成熟，加上門將大衞拉耶神級撲救表現，難怪「兵工廠」係英超失球最少球隊，即使近期入波只係1球起、2球止，都冇影響到成績。

侯城質庸全力防守
侯城經過季初一輪虛火，近排各項賽事8場不勝，狀態一般，而且前線突破能力有限，作客強隊肯定死守博1分，遇上收夠籌就拖慢節奏嘅阿仙奴，預計今仗入球唔會多，入球細可以放心捧場。