[东方报]英聯盃：阿仙奴輪換精打細算

英聯盃第4圈賽事，英乙球隊費列活特越級挑戰英超盟主阿仙奴，雖然兩隊實力有好大差距，不過鬥心同搏命程度，費列活特肯定唔會輸蝕。阿仙奴依家多線作戰，今場會盡出後備同青年軍，只求晉級唔會嘥力，3.5球入球細值得一博。（無綫myTV SUPER周三凌晨4時直播）

阿仙奴近期硬仗連場，嚟緊周末要去晏菲路作客利物浦，今仗會畀所有主力休息，由麥斯杜文等新人掛帥。不過，兵工廠今季鋒力一般，近兩場本土賽事贏1比0同2比0，近6場賽事有5場總入球開3球或以下，今仗大勝機會唔高。

費列活特死守輸少當贏
阿仙奴上季喺盃賽對低組別球隊，都唔係踢得好有說服力，英足盃對英甲嘅曼斯菲小勝2比1、英聯盃作客英甲維爾港就贏2比0，都係贏波就收油。費列活特難得有機會同阿仙奴交鋒，喺主場肯定會死守，盡量減少傷亡，佢哋上一圈就1比0贏英冠嘅錫菲聯，今場唔會輕易畀阿仙奴摧毀，細盤值博。