[东方报]友誼賽：陣容不整小雲撐唔住 巴西細孤力弱難發圍

巴西喺今夏世盃16強出局後，領隊安察洛堤繼續肩負重建任務，今晚作客澳洲踢熱身賽，起用咗唔少新人。不過，巴西一向引以為傲嘅進攻足球，近年每況愈下，創造力不足問題未解決下，今場對住防守硬朗嘅澳洲將遇阻滯，開2.5球嘅入球細機會高。（周五晚6時開賽）

巴西喺世盃期間，進攻表現令人失望，無論馬菲奧斯根夏、安迪歷定係伊戈泰亞高掛帥，都未能予人信心，老將尼馬已宣布退役，根夏同加比爾馬天尼利今次未有入選，季初狀態大勇嘅祖奧柏度又因傷退隊，前線繼續依賴雲尼斯奧斯祖利亞支撐，火力未見提升。

澳洲防線硬淨
澳洲今場為明年亞洲盃練兵，超過半隊都係今夏世盃成員，實力有保證。因傷錯過世盃嘅拉利麥基爾同耶斯碧克亦獲重召，雖然前鋒基斯甸禾柏圖早前捲入禁藥事件，今次未有入選，但澳洲一向靠穩守為主，連同4場世盃決賽周賽事，澳洲近6場總入球全開2球或以下，入球細抵玩。