朗尼發火！狠批曼聯球員「自私精」

曼聯近期屋漏偏逢連夜雨，唔單止喺歐聯賽慘敗，隊長般奴費南迪斯賽後仲公開炮轟卡域克嘅戰術。呢番言論一出，即刻引嚟曼聯傳奇朗尼極度不滿，直指依家嘅紅魔球員係「自私精」！

見到母會立立亂，朗尼直言：「呢班球員真係好自私，佢哋根本唔理隊友、教練團或者球迷，淨係識得諗自己。只要事不關己或者拎唔到着數，佢哋就會好似BB咁發脾氣、扭計。」

利辛度馬天尼斯同般費連環炮轟球會管理層，朗尼亦睇唔過眼：「馬天尼斯上星期搞事，我已經話佢會搞亂更衣室，依家輪到般費，之後仲會有其他人，因為冇球員願意負責任。」