利物浦0上陣　3支意甲隊搶基艾沙

前意大利國腳費達歷高基艾沙今季喺利物浦0上陣，離隊只係遲早問題，據報國際米蘭、阿特蘭大同拉素正密切關注，最快明年1月提出斟介。

意大利傳媒報道，28歲嘅基艾沙前年加盟利物浦以來上陣機會不多，至今50場入5球，今季0上陣，佢同紅軍仲有2年約，現時身價為1,300萬歐元（約1.15億港元）。

基艾沙喺利物浦已經冇前途，佢本人希望重返意甲，挽救足球生涯，國際米蘭、阿特蘭大同拉素都對基艾沙有興趣，雖然並未正式出價，但相信利物浦會爽快放人，而且價錢唔會太高，轉會唔會有太大阻滯。