5
这个楼主还没有留下简介。
回复讨论
0
登录后可参与回复讨论。
当前还没有回复,欢迎成为第一个参与讨论的人。

利物浦前鋒艾基迪基今年4月歐聯對巴黎聖日耳門,不幸跟腱斷裂,至今一直長抖,根據《The Athletic》最新消息,呢位24歲法國國腳康復進度符合預期,有望12月下旬復出,為紅軍出戰英超「聖誕快車」。
艾基迪基當時受傷後,預料需要休息9個月,佢現時康復進度良好,按照原本制定嘅時間表,相信有機會12月下旬重返球場。不過,利物浦方面並唔急於要求呢位射手上陣,必須根據實際情況,再決定佢復出日子,以免觸傷舊患。
艾基迪基上年夏天以8,250萬鎊(約8.5億港元)轉會費由法蘭克福加盟利物浦,上季45次披甲入17球及6次助攻,效率非常高,如果佢如期下月底復出,將可以增強紅軍爭標本錢。
利物浦另外2位長期傷兵基奧雲尼里奧尼、干拿巴特利近日已經可以參與一隊操練,預料短期內有望上陣。