曼聯今季球衣銷量估你唔到　蒙特福仔最好賣

曼聯今季球衣上市一段時間，銷售報告出現奇特現象，據報球衣銷售冠軍竟然係幾乎冇乜上陣嘅美臣蒙特，今季重返母會嘅拉舒福特跟隨其後排第2，般奴費南迪斯、馬菲奧斯根夏同麥比奧莫排喺上述兩人之後，真係估你唔到。

英國傳媒報道，受傷病影響甚少上陣嘅美臣蒙臣，成為球衣銷量冠軍，並非因為佢靚仔，分析認為，主要原因係佢着住件7號球衣，曼聯傳奇7號太深入民心，無論邊個着，都係銷量冠軍。

至於今季歸隊嘅拉舒特，雖然佢嘅回歸存在爭議，但福仔本身喺曼聯有一定叫座力，而且今季改着9號球衣，球迷又多個入貨理由。