同干地爭飯碗　艾迪侯域願意執教曼聯

曼聯今季成績低迷，近5場更加未贏過，領隊卡域克下台危機愈來愈大，除咗盛傳意大利名帥干地係下任紅魔鬼領隊大熱人選之外，前紐卡素領隊艾迪侯域亦願意執教曼聯。

艾迪侯域今夏突然離開紐卡素，結束5年「喜鵲」主帥生涯，現時未有教職在身，可以隨時接手工作。根據《Football Insider》爆料，呢位48歲英格蘭少帥已經準備好復出教波，並有興趣成「魔」，如果曼聯邀請佢領軍，佢會欣然接受。

艾迪侯域教波生涯最威水係率領紐卡素奪得2025年英聯盃冠軍，曼聯今個月仲有4場比賽，包括英超對列斯聯、般尼茅夫、車路士、歐聯對科木，如果呢4場都贏唔到1場，卡域克應該會執包袱，艾迪侯域就有望接手。