有情有義　哥迪奧拿將「回歸」撐曼城

曼城正式就財務違規案提出上訴，前領隊哥迪奧拿雖然已經「跳船」，但仍然力撐「藍月亮」，根據英國《鏡報》爆料，呢位西班牙名帥計劃重返曼城主場觀戰，以示支持。

哥迪奧拿今夏結束10年曼城主帥生涯，有傳佢一早已知球會被定罪，所以選擇走人。不過，哥帥仍然對「藍月亮」念念不忘，日前發文聲援球隊同球迷：「我想畀全世界每1位曼城球迷知道，我就喺呢度，比以往任何時候更堅定，由始至終都支持曼城、老闆、主席、CEO、球員、工作人員、領隊馬利斯卡，仲有獨一無二嘅球迷，我哋會一齊度過難關，我愛你哋所有人。」

據悉哥迪奧拿言出必行，將於曼城下一次主場比賽現身支持球隊，根據賽程「藍月亮」將於10月11日晚英超作客利物浦，10月15日凌晨歐聯主場對巴黎聖日耳門(PSG)， 如無意外，對PSG一戰，將會見到哥迪奧拿現身曼城主場。