21年國家隊軌迹 美斯告別阿根廷

率領阿根廷U20勇奪世青盃冠軍，個人包辦賽事金球獎兼金靴獎，展露球王天賦。

2005年8月
獲領隊柏加文提拔，以18歲之齡成為大國腳，首演對匈牙利嘅熱身賽，後備上陣44秒因甩開對手拉衫，被罰紅牌。

2006年3月
熱身賽對克羅地亞，美斯射入喺阿根廷第1球，前場搶截後推到禁區頂左腳抽入。

2006年6月
首次踏足世盃舞台，喺對塞爾維亞一戰1射1傳，成為阿根廷史上最年輕上陣同入波球員(18歲357日)。阿根廷8強輸畀德國，柏加文冇派美斯上陣，受到猛烈批評。

2007年7月
首度出戰美洲國家盃，並攻入3球，助阿根廷殺入決賽，可惜最後輸畀巴西屈居亞軍。

2008年8月
以超齡球員身份代表阿根廷出戰北京奧運（圖），決賽助攻迪馬利亞一箭定江山，贏得奧運足球金牌。

2010年6月
阿根廷喺馬納當拿執教下，美斯正式繼承10號球衣，但球隊喺南非世盃表現差勁，美斯只入1球，8強被德國淘汰。

2011年8月
因同泰維斯合作不睦，被阿根廷球迷柴台，美洲國家盃8強出局後，新帥沙貝拉決定踢走泰維斯，委任美斯做隊長。

2014年7月
喺巴西世盃表現出色，全屆攻入4球，帶領阿根廷相隔24年再闖決賽，可惜加時0比1輸畀德國，無緣冠軍。美斯仍獲選為世盃最佳球員（金球獎）。

2015年7月
帶領阿根廷殺入美洲國家盃決賽，但互射12碼輸畀東道主智利，連續2年喺國際大賽屈居亞軍。

2016年6月
喺百年美洲盃超越巴迪斯圖達，成為阿根廷史上最多入波球員，但球隊再一次喺決賽互射12碼輸畀智利，美斯心碎宣布退役。喺全國球迷同總統挽留下，美斯8月決定繼續為阿根廷出賽。

2018年6月
喺俄羅斯世盃表現持續低迷，全屆只入1球，阿根廷喺16強被法國淘汰。美斯之後宣布暫時唔踢國際賽，再出現退役傳聞。

2021年7月
以4球、5助攻精彩表現，贏得美洲國家盃冠軍，打破阿根廷長達28年嘅大賽冠軍荒，亦係美斯國家隊生涯第1個成年賽事冠軍。

2022年12月
迎嚟阿根廷生涯最輝煌一頁！以7球、3助攻表現，帶領阿根廷贏得卡塔爾世盃冠軍，由分組賽同每場淘汰賽都有入波，包括決賽梅開二度，並再奪世盃金球獎，奠定史上最偉大球員地位。

2024年7月
帶領阿根廷再闖美洲國家盃決賽，雖然佢喺決賽中受傷，但無阻球隊擊敗哥倫比亞捧盃。

2026年6月
紀錄性第6次出戰世盃，首場分組賽就連中三元，以38歲357日之齡成為世盃史上最老「戴帽」球員，整屆賽事攻入8球同4次助攻，幾乎係一己之力帶領阿根廷入決賽，遺憾最後輸畀西班牙無緣衞冕。

2026年8月
美斯宣布退出退出國家隊，結束21年阿根廷生涯，10月7日對貝寧成為告別戰。