3
这个楼主还没有留下简介。
回复讨论
0
登录后可参与回复讨论。
3
法國喺施丹執教下展現恐怖火力！周二(6日)凌晨歐國聯A1組賽事，法國半場落後情況下，靠施丹魔法換人逆轉形勢，喺最後14分鐘連轟4球，主場4比1大勝比利時，小組成績3勝1和排榜首。法國進攻絲絲入扣，米高奧利斯繼續「施丹上身」，成為球隊絕對核心。
施丹上任連勝上場斷纜，今場大幅輪換用咗唔少副選，上半場被盧克巴基奧入波落後。施丹喺60分鐘開始撳掣，先換入奧利斯同卓基，再換入迪斯亞杜伊搶攻，效果立竿見影。77分鐘杜伊遠射追平，4分鐘後奧利斯底線傳中，卓基衝前勁射得手反超前。
完場前2分鐘，杜伊同奧利斯禁區內跳舞式美妙配合，奧利斯小禁區起腳慢溜入網；兩人喺補時再度合作，奧利斯接應杜伊直線入楔射成4比1，法國喺最後14分鐘連入4球贏波。法國今場有76次喺對方禁區觸球、前半場傳球成功率達92.8%，兩項數據都係20年來最高，侵略性相當恐怖！
上任後4場3勝1和，施丹賽後表示：「今場我哋展示乜嘢係足球！我哋知道換人可以改變戰局，因為佢哋都係高質球員，我好開心全隊對換人嘅反應，贏波係全隊嘅功勞。」奧利斯喺4場賽事都有入波或助攻，奠定法國核心位置，施丹表示：「奧利斯係世界最佳球員？我冇回應，佢嘅表現就係無與倫比！」
