阿迪達證實　賴斯即將續約加薪

阿仙奴球迷收到好消息！領隊阿迪達親口證實，27歲嘅中場核心迪格蘭賴斯即將同球會續約，據報周薪會由原本嘅24萬鎊，大幅加到35萬鎊，呢個數字將會追平陣中最高薪嘅布卡約沙卡。

賴斯自從2023年夏天以1.05億鎊加盟後，一直係球隊嘅絕對主力，呢位英格蘭國腳嘅合約到下季尾就完，為咗留住呢位頂尖球星，阿仙奴一早就準備同佢續約。阿迪達日前透露：「我感覺賴斯喺呢度好開心，每一次溝通，佢都想長期留隊，續約只係時間問題。」

有趣嘅係，雖然賴斯大幅加薪後成為全隊最高薪球員之一，但人工仍然低過領隊阿迪達，阿迪達上個月先同阿仙奴續約到2030年，年薪爆升到2,000萬鎊！