阿仙奴睇中安古莫夏　利物浦加快續約留人

阿仙奴增兵有新目標，據報槍手睇中利物浦18歲翼鋒安古莫夏，對方合約將於2028年6月到期，利物浦為防止挖角，已向球員開出新約，提高待遇。

英國傳媒報道，安古莫夏本身係車路士青訓出身，但兩年前被利物浦搶走，去年8月喺英超處子登場，對紐卡素入波更創下隊史最年輕入球紀錄，不過今季換帥後只能擔任後備，上陣時間不多，至今仍未開齋。

早前國際賽入選英格蘭國家隊嘅安古莫夏，本身希望留喺利物浦繼續成長，但如果阿仙奴給予足夠機會，吸引佢重返倫敦亦唔出奇。

利物浦已向安古莫夏開出新合約，希望以一紙長年期合約綁定球員未來，至於去或留，安古莫夏可以慢慢考慮。