[东方报]歐國聯：意軍打防反偷襲比利時

歐國聯A1組最後1輪生死戰，比利時主場硬撼意大利，第3位比利時落後對手1分，必須贏波先至可以出線，預料會豁出去搶攻。意大利由文仙尼接手執教後，成績穩步上揚，近4場歐國聯獲得3勝1和，今仗讓球客勝（+1）值博。（周一凌晨3時45分開賽）

歐洲紅魔攻力跌Watt
「歐洲紅魔」比利時曾於9月底歐國聯首輪賽事，作客以2比0擊敗意大利，但要留意當時意軍經歷「換帥之亂」，不宜作準。其後比利時遭法國「雙殺」，再次反映球隊遇強即屈，「歐洲紅魔」上仗對住小組包尾嘅土耳其都係勉強反勝2比1，而且仲要靠35歲老將奇雲迪布尼入波，今仗能否攻入意大利大門，實屬疑問。

意大利自從首循環不敵比利時之後，愈戰愈勇，近4場歐國聯取得3勝1和，合共轟入11球。最具參考性係意大利上場即使只有35%控球率及10次射門，但憑快速反擊戰術，以3比1擊敗有18次射門嘅法國，將意大利傳統穩守突擊踢法發揮得淋漓盡致。由於意軍今場和波都可以出線，更加可以等比利時主攻趁機打突擊。兩隊近6次交鋒，意大利獲得4勝1和1負，今仗有力坐和望贏。