[东方报]意甲：卡利亞里乘勇打爆蒙沙

今晚意甲頭場，蒙沙主場迎戰卡利亞里，「神奇球隊」卡利亞里演出令人驚喜，近4場聯賽取得3勝1和，「星三代」丹尼爾馬甸尼連續4場入波，腳風極順，蒙沙防線弱不禁風，恐怕無力招架，卡利亞里客勝賠率吸引值博。（Now 638周二凌晨零時30分直播）

蒙沙今季重返意甲，但礙於財力有限，未能簽入具級數新兵，只能繼續為護級而戰，踢6場聯賽僅得1勝1和4負，已經失15球。蒙沙上仗以1比3不敵拉素，仲有中堅羅倫素盧捷斯領紅牌被逐，今仗需要停賽，令原本已經不穩嘅防線雪上加霜，即使有地利，形勢亦唔樂觀。

丹尼爾馬甸尼弗到漏
反觀卡利亞里愈戰愈勇，聯賽6戰有4勝1和1負，而且當中敗仗係以0比1不敵上季冠軍國際米蘭，雖敗不辱。呢支「神奇球隊」積弱多年，今季能夠忽然彈起，其中一個主因係今夏向拉素借用前鋒丹尼爾馬甸尼，呢位25歲意大利國腳近4次上陣都有入波，加上卡利亞里近兩次對蒙沙，獲得全勝，有力再下一城。