4
这个楼主还没有留下简介。
回复讨论
0
登录后可参与回复讨论。
4
意甲名牌大戰，祖雲達斯主場迎擊拿玻里，兩隊開季表現令人失望，聯賽勝率唔夠5成。祖記上周中又輸波，教練史巴列堤帥位岌岌可危，今次最後機會喺主場唔衰得，肯定會搏命搶3分，對住頭重尾輕嘅拿玻里駁火味濃，2.5球入球大有計。（Now 639周一凌晨3時45分直播）
祖雲達斯上場輸畀熱拿亞，關鍵係把握力差，佢哋控球、射門同預期入球（xG）都高過對手，整體表現唔係太差，預計今場會用禾達美迪復任正選，同高路梅安尼合作進攻，希望可以殺出血路。祖記近4場主場，有3場攻入2球或以上，火力信得過。
拿玻里上周中4比1大炒蒙沙，近3場賽事入咗11球，總入球全開5球或以上，海倫啱啱打破入球荒，麥湯米尼同奇雲迪布尼連場入波，雖然近3場都失咗7球，預期今場會繼續以攻代守，開入球大機會濃。
科木托弗-2攞威
另一場意甲，愈戰愈勇嘅科木迎戰威尼斯。科木各項賽事連贏4場，表現好有說服力。反觀包尾嘅威尼斯近10場輸9場，科木主場大炒格，讓球主勝（-2）要捧場。（Now 638周日晚7時30分直播）
