9
这个楼主还没有留下简介。
回复讨论
0
登录后可参与回复讨论。
9
曼聯領隊卡域克命不該絕？周三凌晨歐聯生死戰，「紅魔鬼」主場對羅馬踢咗18分鐘就落後兩球，點知曼聯下半場大反撲，更有馬菲奧斯根夏喺尾段上演「奇迹3分鐘」，最終3比2絕地反勝，卡域克暫時保住帥位。
根夏「奇迹3分鐘」入兩粒
之前連續9場不勝嘅曼聯繼續有災難性開局，11分鐘先被馬迪亞斯索利走空射入，再喺18分鐘因為艾登希雲犯手球輸12碼，唐耶爾馬倫操刀為羅馬射成2比0。去到下半場51分鐘，曼聯仲有卡路士巴利巴拉傷大腿喊住離場，據報至少要抖3個星期。
不過今場轉捩點係57分鐘，馬菲奧斯根夏為曼聯博到12碼，般奴費南迪斯主射被撲，但VAR指羅馬球員早入禁區再射過，般費第2次主射冇甩拖。追番粒嘅曼聯喺83分鐘更上演「奇迹3分鐘」，根夏把握羅馬球員解圍失誤射成2比2，佢再喺86分鐘窄位狂抽成功絕殺對手。雖然根夏補時階段兩黃被逐，但無阻曼聯反勝止血。
見慣大場面嘅「紅魔」領隊卡域克賽後表示：「我喺半場叫球員保持正面，咁多年嚟我哋見過任何事都可能發生，只需要一個契機就可以撻着。球員並冇放棄，我哋係值得勝利。之後發生咩事我唔知，依家只係專注應付下場聯賽對維拉。」
