7
这个楼主还没有留下简介。
回复讨论
0
登录后可参与回复讨论。
7
皇家馬德里喺周四凌晨歐聯上演奇迹之戰，作客羅馬落後1比3劣勢下，最後7分鐘連轟3球，絕地反勝4比3！「銀河艦隊」教練摩連奴喺尾段作出神級換人，結果包辦晒最後3個入波，展現戰術大師功架。
最後7分鐘入3球
主場嘅羅馬20分鐘由迪魯恩先開紀錄，基利安麥巴比5分鐘後幫皇馬半場追平。換邊後羅馬由唐耶爾馬倫喺51同57分鐘連入2球，不過摩連奴隨即變陣，包括換走雲尼斯奧斯祖利亞，換入安迪歷同艾達古拿。戰至79分鐘，「寸王」孤注一擲再換入卡路士艾斯比等3人，結果喺82分鐘安迪歷頭槌被撲出，艾斯比執雞追成2比3。過多3分鐘後，安迪歷接應艾達古拿角球頂成3比3；最後喺90分鐘，又係艾達古拿開出角球，搵到魯迪格近門射入，皇馬7分鐘內連入3球反勝。
摩連奴賽後表示：「輸到1比3之後，所有人都覺得場波已經『死咗』，但對手高強度踢法係好難一直維持。上半場踢得差係我嘅責任，下半場好表現係球員功勞，我只係做出有需要嘅調動。」
