如果炒卡Sir　干地將進入曼聯候選名單

曼聯創40年最差開季成績，領隊卡域克落台再成話題，據報一旦卡Sir落鑊，目前無業嘅意大利名帥干地將進入曼聯管理層視線，成為候選名單一員。

干地執教特點係能夠快速提升球隊表現，佢曾帶領車路士奪得英超及足總盃冠軍，執教國際米蘭同拿玻里亦捧過盃，係目前市場上無教職在身成績最突出主帥。

英國傳媒報道，雖然曼聯並未決定解僱卡域克，仍然會給予機會，希望卡Sir扭轉形勢走出困境，但如果情況持續惡化，曼聯就會同干地接觸。

不過干地亦有本身問題，就係過於強勢，容易同高層有爭拗，曼聯近年多次有機會邀請干地執教，最後未有成事，都係因為怕咗佢。