4
这个楼主还没有留下简介。
回复讨论
0
登录后可参与回复讨论。
4
熱刺開季仲未贏過，6戰只得3分跌落降班區，僅入3球嘅鋒線攻力疲弱，據報佢哋今季出售予米杜士堡嘅青訓小將蘭克舒亞，卻喺英冠大殺四方，12場入9球，被封為「新哈利卡尼」，熱刺球迷心都嗡埋。
米杜士堡上仗1比0小勝狼隊，一箭定江山球員正是21歲嘅蘭克舒亞，佢開季至今攻入9球，成為米堡新寵兒，米堡現時高踞英冠次席，同熱刺今季表現形成強烈對比。
蘭克舒亞出身經歷、踢法及埋門把握力，都同哈利卡尼相似，最初遭阿仙奴青訓營解約，轉投錫菲聯，最後被熱刺羅致，哈利卡尼喺熱刺成為超級射手，但蘭克舒亞今夏卻被熱刺出售到米杜士堡，轉會費總值2,000萬鎊，附加二次轉會分帳。
英國傳媒報道，睇見蘭克舒亞喺米堡不斷入波，熱刺開季接連失利，好多球迷都認為會方決策出錯，有球迷組織痛心表示：「點解要出售佢（蘭克舒亞）？可能同錢有關，佢可以賣個好價錢，不過我哋確實好失望，球隊今季表現奇差，作為球迷，覺得呢個決定錯得離譜。」
