13
这个楼主还没有留下简介。
回复讨论
0
登录后可参与回复讨论。
当前还没有回复,欢迎成为第一个参与讨论的人。

英超球會同曼城之間嘅「暗戰」再掀高潮!英超20間球會周四(19日)喺倫敦開會,亦係自9月曼城被裁定115項財務違規罪成後首次會議。會上各隊就修訂聯賽章程表決,最終以18票贊成、2票反對,通過擴大對英超董事會5名成員嘅法律保障,意味一旦曼城贊助商提出訴訟,所有英超球會都要「集體負責」夾錢打官司,訴訟費分分鐘高達數億英鎊!
獨立委員會早前裁定曼城喺9年間,人為誇大收入超過8.3億鎊,透過同贊助商簽訂「虛假」合約掩飾資金來源。曼城已提出上訴,兩大贊助商阿提哈德航空同阿聯酋電信先後發炮考慮告上法庭。根據現行英超章程,董事只有喺第三方訴訟中勝訴,先至會獲得財政保障,敗訴就唔包。今次修例通過後,英超5名董事會成員將獲得全面法律彌償。
據報喺表決入面,只有曼城同諾定咸森林投反對票,其中森林唔係為咗撐曼城,而係基於程序理由反對。不過喺集體負責制下,即使日後真係由曼城贊助商起訴英超,森林同曼城都要按份額承擔抗辯開支,令曼城變相要「自己打自己」!