艾摩廉向曼聯挖角　想簽2位愛將

魯賓艾摩廉離開曼聯，成為AC米蘭教練之後，仍然對部分紅魔鬼舊將念念不忘，根據意大利傳媒爆料，呢位葡萄牙少帥計劃明年1月轉會市場重開後，借用曼聯前鋒約舒亞舒克斯、後衞約羅。

AC米蘭今夏重金收購葡萄牙前鋒干卡路拉莫斯，但佢喺聯賽只入1球，魯賓艾摩廉唔多滿意，由於現時隊內缺乏副選射手，希望再簽入前鋒，並睇中舒亞舒克斯。魯賓艾摩廉了解呢位荷蘭國腳能力，加上佢曾經效力博洛尼亞，當時有出色表現，早已熟悉意甲比賽風格，艾摩廉認為佢有助提升A米攻力。

另外，魯賓艾摩廉執教曼聯時間，喜歡派約羅上陣，但呢位20歲法國國腳現時被主帥卡域克投閒置散，艾摩廉希望借用佢，並相信紅魔鬼應該樂意畀呢位新星出外比賽吸收經驗。