4
这个楼主还没有留下简介。
回复讨论
0
登录后可参与回复讨论。
4
A1組焦點大戰，意大利主場迎戰法國。首循環雙方踢成1比1，睇番現時出線形勢，呢場和波對雙方都有利，預料兩軍唔會急於進攻，加上法國中後場受到傷兵困擾，主帥施丹更加會打穩陣波，推介2.5球入球細。（周五凌晨3時45分開賽）
現時法國10分排榜首、意大利7分排次席，僅僅多比利時1分，由於首2名都可以出線，喺預計比利時對土耳其可以全取3分下，意大利今場無論咩戰果，下場鬥比利時都係生死戰，畀着你係文仙尼，無可避免今場會留力。
意大利主力孭牌勒住踢
最大鑊係球隊前鋒施卡馬卡、中場安東尼奧華加拉、中堅巴斯東尼及門將基安盧基當拿隆馬都孭緊牌，今場只要攞多一張黃牌下場就要停賽，踢起上嚟肯定就住就住。
至於法國就更加唔使講，呢場只要和波攞1分已經提早出線，最尾一場可以睇住意軍同比利時打生打死，作客根本唔使同你急。施丹上任後，法國著重控制戰局，多場波控球率超過6成，今場球隊仲有傷兵潮，中場曹亞文尼、後衞卡魯魯因傷退隊，法國更加會做好傳控，減少失去球權。
施丹執教下嘅法國，喺歐國聯兩場作客分別小勝土耳其及比利時1比0，今場可以照辦煮碗，而且今場喺聖西路球場上演，呢名前法國球王熟晒路，以前佢效力祖雲達斯經常作客此地，而且喺2016年歐聯決賽，施丹就以教練身份帶領皇家馬德里，互射12碼擊敗馬德里體育會，奪得執教生涯首個歐聯冠軍，相信今場可以得心應手，以防守戰術取得理想結果，入球細好路。
