[东方报]英超：森林遇強即縮吼半細

至於英超尾場，諾定咸森林主場迎戰阿仙奴。森林問題多多，攻力尤其疲弱，今遇強敵一定縮後擺鐵桶陣，阿仙奴作客初段求穩唔同你急，1.5球半場細熱得有理。（Now 621周日晚11時30分直播）

森林今季搵來前水晶宮主帥格拉斯拿執教，諗住有一番作為，但各項賽事踢咗7場，竟然只係贏得1場咁大把。最大問題係唔識入波，雖然佢哋創造咗好多攻門機會，但只係入得5粒，只係比包尾大幡熱刺多兩球，無論係伊戈捷西斯、利安戴納、卡利穆恩度都冇貨交，加上球員仍未適應格帥嘅3421陣式，表現差強人意，其中5仗上半場交白卷，今仗都係先縮後做好防守。

阿仙奴作客穩中求勝
阿仙奴保持冠軍本色，單計聯賽6戰5勝1負，主帥阿迪達力主穩中求勝，特別係客場，吸取之前作客白禮頓慘敗嘅教訓，造訪森林唔敢輕敵。連同上季在內，「兵工廠」近5仗聯賽作客，有4次半場開1球或以下，面對森林嘅鐵桶陣一定會踢得更有耐性，等對手露出破綻，半場細好路。