法比加斯合約設「回家」條款　可低價走人

法比加斯執教意甲球隊科木表現出色，領軍能力受到肯定，據報原來佢同科木合約隱藏「回家」條款，就係當佢3間母會有需要時，可以低價召喚佢歸隊領軍，3間母會就係阿仙奴、巴塞隆拿同車路士。

歐洲各大傳媒近日傳出消息，法比加斯同科木合約至2028年，但如果佢3間母會有需要，可以用象徵式價錢要人，繞過漫長嘅斟介程序，徵召法比加斯歸隊領軍，。

雖然阿仙奴、巴塞隆拿同車路士目前都冇換帥需要，不過世事難料，如果上述3隊出現突發狀況，法比加時都可以隨時埋位。