嘥氣!C朗停賽1個月下場可照踢

C朗早前為葡萄牙出戰歐國聯期間，因不滿領隊佐治捷西斯「食言」，唔派佢上陣對挪威，擅自離隊。呢位41歲球王已道歉並願意接受處罰，據悉葡萄牙足總可能僅判罰C朗停賽1個月，令佢可以趕及出戰11月中旬2場歐國聯，變相「冇懲罰」。

歐洲主流傳媒之前指C朗違反葡萄牙足總規則，面臨禁止參加國際賽1至6個月及罰款，但最新消息指葡萄牙足總考慮到C朗已經發表聲明道歉，打算從輕發落停賽1個月。由於葡萄牙下場賽事要等到11月15日凌晨，歐國聯主場對丹麥，3日之後作客威爾斯，如果只罰C朗停賽1個月，基本上冇意義，當然最終判決仍然有待葡萄牙足總公布。