6
这个楼主还没有留下简介。
回复讨论
0
登录后可参与回复讨论。
6
「藍月亮」曼城多年來違反財務條例雖然未有判罰定案，不過英超官方搶先出招，秘密消滅曼城嘅英超回憶！
英超官方製作一段叫「令球場沸騰」嘅金球精華，輯錄咗眾多精彩入波，早年嘅曼聯（奧雲）、阿仙奴（亨利），以至近年嘅利物浦（阿歷斯麥亞里士打）、熱刺（古路施夫斯基）、車路士（高爾彭馬）等勁旅都齊晒，但喺長達12分鐘嘅片段入面，近9季6奪冠軍嘅曼城竟然1球都冇，就連被譽為英超史上最經典入球、阿古路「93:20」冠軍入波都冇影。大批曼城球迷提出質疑：「一個曼城入球都冇？簡直係洗腦宣傳」、「就算曼城作弊，但唔影響阿古路嘅經典入球」，直指英超賽會搞小動作。
寸王盼有生之年出判決
不過，看透世事嘅「寸王」摩連奴就叫大家笑吓就算，畢竟案件喺2018年揭發，2023年先正式提控，1年半之後展開聆訊，又審咗3個幾月，再等多21個月先至作出罪成判決，佢預計曼城將會不斷上訴實行「拖字訣」：「我都六張幾嘢，希望仲有命睇到最後判決啦！」
